LIFE UNDER THE LOCKDOWN

మనలో చాలామందికి ఈ LOCKDOWN పరిస్థితిని ఎలా అధిగమించాలో తెలియడంలేదు. నిజానికి అదొక క్రమశిక్షణ, కానీ చాలామంది దీన్నొక శిక్షగా భావిస్తున్నారు.  కొందరైతే దీన్ని భరించలేక ఏదో ఒక వంకతో బయట తిరగడానికి ప్రయత్నిస్తున్నారు. పోలీసుల లాఠీ దెబ్బలు తింటున్నారు.  నిర్బంధాన్ని, దాన్ని విధిస్తున్న ప్రభుత్వాలని, అమలుపరుస్తున్న పోలీసులను  నిందిస్తున్నారు.

కానీ ఇదంతా రేపటి యుద్ధానికి సన్నద్ధం అనేవిషయం గమనించాలి, ఇప్పుడు మనం సహనాన్ని నేర్చుకోవాలి. స్వేచ్ఛ ను ఆస్వాదించే మనం నిర్బంధంలో ఎలా ఉండాలో కూడా అలవాటు పడాలి. రేపటి ఈ యుద్ధం ఎంతకాలమో ఎవరికీ తెలియదు. ఒక్క విషయం గుర్తుంచుకోండి మనిషికంటే ఈ మహమ్మారి శక్తివంతమయినది.

 ఈ యుద్ధంలో మనం చేయాల్సింది ఎదురొడ్డాడం కాదు, దాక్కోవడం, చేతులు ముడుచుకుని కూర్చోవడం! మనం వెళ్ళాల్సింది ఏ హెచ్చరికనూ లెక్కచేయని ఇటలీ, అమెరికా, ఐరోపా దేశాల మార్గంలో కాదు. ఒక్కొక్క క్షణం లెక్కవేసుకుని తమని తాము కట్టడి చేసుకున్న ఆసియా ప్రజల దారిలో! అది సౌత్ కొరియా, థాయిలాండ్, తైవాన్, వియాత్నం ఏ దేశమైనా కావొచ్చు కొరోనాకు తలవంచలేదు, పోరాడి గెలిచాయి, గెలుస్తున్నాయి, కొన్ని అదుపులో పెడుతున్నాయి.

చైనా అయితే ఎదురొడ్డి పోరాడి ఎక్కడికక్కడ కట్టడి చేస్తోంది. ఎలా? అది చెప్పడానికే ఈ వీడియొ డాక్యుమెంటరీ! LOCKDOWN లో చైనాలోని వుహాన్ నగర ప్రజలు ఏంచేశారు. అక్కడి ప్రభుత్వం ఏంచేసింది? ఈ వీడియో విశదీకరిస్తుంది. ఇప్పుడు తెలంగాణా ప్రభుత్వం కూడా చైనా ప్రభుత్వ వ్యూహాన్నే అనుసరిదిస్తోంది. ప్రజలు ఈదశలో ఎక్కడికక్కడ చేతులుముడుచుకుని లేదా తరచుగా చేతులు కడుక్కుంటూ కూర్చోండి. మిగితాది ఇప్పటికి ప్రభుత్వానికి వదిలేయండి. రంధ్రాన్వేషణలు మానేయండి.

ఒక అరగంట పాటు CGTN రూపొందించిన ఈ వీడియో చుడండి. యుద్ధవిద్య మీకే అర్థమౌతుంది!! కొందరి ఆలోచనైనా మారుతుందనే ఆశతో!